თბილისის მერი, საქართველოს ევროპულ ფასეულობათა ინსტიტუტის (GIEV), საქართველოს ადგილობრივ თვითმმართველობათა ეროვნული ასოციაციის (NALAG), ეფექტური და ანგარიშვალდებული მმართველობის ასოციაციის (AGER, მოლდოვას რესპუბლიკა), ასევე კიშინიოვის მერის და ევროპის საბჭოს ადგილობრივი და რეგიონალური ხელისუფლების ორგანოთა კონგრესის მხარდაჭერით, 2013 წლის ოქტომბერში თბილისისა და კიშინიოვის დღეებთან დაკავშირებით და ადგილობრივი დემოკრატიის ევროპული კვირეულის (ELDW) აღსანიშნად, აცხადებს კონსურსს საუკეთესო ესეზე თემაზე: ,,ადგილობრივი თვითმმართველობის ევროპული ქარტიის როლი და მნიშვნელობა საქართველოს და/ან მოლდოვას ევროპული პერსპექტივისთვის“.
კონკურსში მონაწილეობა შეუძლიათ თბილისსა და კიშინიოვში მცხოვრებ ევროპის საბჭოს წევრი სახელმწიფოების მოქალაქეობის მქონე სტუდენტებს. ესეები წარმოდგენილი უნდა იყოს ინგლისურ ან ფრანგულ ენაზე ელექტრონული სახით (Word-ის ფორმატში) შემდეგ მისამართზე: gievsecretariat@gmail.com (საქართველოში) და olesea.stamate@ager.md (მოლდოვას რესპუბლიკაში). ესეების წარდგენის ვადაა 2013 წლის 10 ოქტომბერი. ესეს მოცულობა უნდა იყოს 3-6 გვერდი.
ორი საუკეთესო ესეს ავტორი დაჯილდოვდება ორგანიზატორების მიერ დაწესებული სპეციალური პრიზით. შერჩეული ესეები გამოქვეყნდება საქართველოს და მოლდოვას რესპუბლიკის მედიაში. დაჯილდოების ცერემონიალი შედგება თბილისში, 2013 წლის 16 ოქტომბერს.