ევროპის საბჭოს კონგრესისა და საქართველოს ადგილობრივ თვითმმართველობათა ეროვნული ასოციაციის თანამშრომლობით, თბილისში, მორიგი მასშტაბური ღონისძიება გაიმართა, რომელიც ანტი-დისკრიმინაციული პოლიტიკისა და პრაქტიკების თემაზე, ადგილობრივ და საერთაშორისო წარმომადგენლებს შორის გამოცდილებების გაზიარებას დაეთმო.
მრგვალი მაგიდის ფორმატში გამართული შეხვედრის ორგანიზატორებთან ერთად, ღონისძიებაში ჩართულნი იყვნენ, საქართველოს სახალხო დამცველის, ასევე ცენტრალური ხელისუფლებისა და აღნიშნული პლატფორმის წევრი მუნიციპალიტეტების წარმომადგენლები და ქართველი და უცხოელი ექსპერტები.
ღონისძიების მონაწილეებს მისასალმებელი სიტყვით მიმართეს, საქართველოში ევროპის საბჭოს ოფისის ხელმძღვანელმა, ნატალია ვუტოვამ, ევროსაბჭოს ადგილობრივ და რეგიონულ ხელისფალთა კონგრესისის მომხსენებელმა გენდერული თანასწორობის საკითხებში, ეირინი დურუმ, საქართველოს რეგიონული განვითარებისა და ინფრასტრუქტურის მინისტრის მოადგილემ, მზია გიორგობიანმა, ასევე, ადამიანის უფლებათა დაცვის საკითხებში პრემიერ-მინისტრის მრჩეველმა, ნიკო თათულაშვილმა, .ათეას აღმასრულებელი საბჭოს ადამიანის უფლებების ლოკალიზების კომიტეტის წევრმა, თბილისის საკრებულოს წარმომადგენელმა, ლევან ჟორჟოლიანმა და ავსტრიის განვითარების თანამშრომლობის ოფისის ხელმძღვანელმა, ალექსანდერ კარნერიმ.
მომხსენებლებმა პროექტის მნიშვნელობაზე ისაუბრეს და განაცხადეს, რომ აღნიშნული ღონისძიება ადგილობრივი და საერთაშორისო მონაწილეებისთვის, ასევე, საქართველოს სახალხო დამცველის ოფისის წარმომადგენლებისთვის ერთგვარ დინამიკურ პლატფორმას ქმნის, რაც მათ ღია დიალოგსა და ცოდნის გაზიარებაში ეხმარება.
შეხვედრაზე, ასევე ხაზგასმით აღინიშნა, რომ მიმდინარე პროცესში ათეა გადამწყვეტ როლს თამაშობს, რადგან ასოციაცია წარმოადგენს ხიდს ადგილობრივ და ცენტრალურ დონეებს შორის, ხელს უწყობს დიალოგს და მხარს უჭერს ადამიანის უფლებათა პრინციპების ლოკალიზაციას ადგილობრივ პოლიტიკასა და ქმედებებში.
პირველი სესია ახლად მიღებული ადამიანის უფლებათა ეროვნული სტრატეგიის (2022-2030) გაცნობასა და დოკუმენტის საქართველოს ადამიანის უფლებათა საერთაშორისო ვალდებულებებთან შესაბამისობაზე მსჯელობას დაეთმო.
ნიკო თათულაშვილთან ერთად, სესიაზე მომხსენებლებად წარდგნენ, .ათეას აღმასრულებელი საბჭოს ადამიანის უფლებების ლოკალიზების კომიტეტის თავმჯდომარე, დუშეთის მუნიციპალიტეტის მერი, მანანა (მაცაცო) ნარიმანიძე, ასევე, აღნიშნული კომიტეტის წევრები, ლევან ჟორჟოლიანი და ნინო ზურაბიშვილი.
გამომსვლელებმა, ადამიანის უფლებათა ეროვნული სტრატეგიის შემუშავებისა და ეფექტიანობის ამაღლების კუთხით, ადგილობრივი ხელისუფლების გადამწყვეტ როლზე ისაუბრეს, რაც თავის მხრივ, თემებთან ჩართულობას, ადგილობრივი რესურსების მობილიზებასა და მათი საჭიროებების დაძლევის მექანიზმებს მოიცავს.
პროექტის ესქპერტმა, ნინო ზურაბიშვილმა ასოციაციის მიერ შემუშავებული “ადამიანის უფლებათა დაცვაში მუნიციპალიტეტის როლის გაზრდის 2023-2025 წწ სტრატეგიის” პროექტის პრეზენტაცია წარადგინა და ათეას წარმომადგენლებთან ერთად ასოციაციის აღმასრულებელ საბჭოში შექმნილი ადამიანის უფლებათა ლოკალიზაციის კომიტეტის მიზნებზე, ამოცანებზე, გამოწვევებსა და მიღწეულ შედეგებზე ისაუბრა.
შემდგომ სესიებზე, მონაწილეებმა ანტიდისკრიმინაციის შესახებ ადგილობრივი ხელისუფლების სასწავლო კურსის მსვლელობისას იდენტიფიცირებულ მნიშვნელოვან თემებზე გაამახვილეს ყურადღება და დეტალურად იმსჯელეს ანტი-დისკრიმინაციული მიდგომების საერთაშორისო პერსპექტივებზე, ინკლუზიური კომუნიკაციის უზრუნველყოფასა და ანტი-დისკრიმინაციული ეთიკის კოდექსის განხორციელებაზე. მოგვიანებით კი, დამსწრე საზოგადოებამ უცხოელი კოლეგებისგან, თანაბარი და ინკლუზიური ადგილობრივი მმართველობის ხელშეწყობის მხრივ სხვადასხვა მიდგომებისა და საუკეთესო პრაქტიკების შესახებ მოისმინა ინფორმაცია.
სასწავლო კურსის სამ ძირითად თემატურ მიმართულებაზე წარმოადგინეს პრეზენტაციები ათეას წევრი მუნიციპალიტეტების წარმომადგენლებმაც.
ბოლნისის მერის თანაშემწემ, სალომე საღინაძემ, ოზურგეთის საკრებულოს ადმინისტრაციის უფროსმა, ნანა თავდუმაძემ, ზუგდიდის მერიის წარმომადგენელმა, თამარ ჩიქავამ და ფოთის მუნიციპალიტეტის მერიის მდგრადი განვითარებისა და ინოვაციური მიდგომების დანერგვის სამსახურის უფროსმა, ნინო გვასალიამ, მოწყვლადი ჯგუფების პოლიტიკის დაგეგმვაში ჩართვის უპირატესობებზე, სერვისებზე წვდომის გაძლიერებაში ინკლუზიური კომუნიკაციის როლზე, ასევე თანასწორობისა და ჩართულობის ხელშეწყობისათვის საჯარო ადმინისტრაციაში ეთიკისა და ქცევის კოდექსების მნიშვნელობაზე გაამახვილეს ყურადღება და კოლეგებს, აღნიშნული მიმართულებით, საკუთარ მუნიციპალიტეტებში განხორციელებული პროგრამები გააცნეს.
ჰიბრიდულ რეჟიმში მიმდინარე შეხვედრა მანანა (მაცაცო) ნარიმანიძემ და ევროპის საბჭოს ადგილობრივ და რეგიონალურ ხელისუფალთა კონგრესის ურთიერთთანამშრომლობისა და საგარეო ურთიერთობათა განყოფილების უფროსმა. მარიტე მორასმა შეაჯამეს და სამომავლო ნაბიჯები განიხილეს.
ღონისძიებას, რომელიც დისკუსიის ფორმატში წარიმართა მოდერაციას უწევდნენ, პროექტის უფროსი ოფიცერი, ნინა გელაშვილი, ევროპის საბჭოს ადგილობრივ და რეგიონულ ხელისუფალთა კონგრესის სამდივნოს წარმომადგენელი, ჯულია ნაზონი და ადგილობრივი ექსპერტები ადამიანის უფლებათა სფეროში, თამარ თომაშვილი და ანა არგანაშვილი.
ღონისძიება მოეწყო ადგილობრივი ხელისუფლებისათვის შედგენილი ანტი-დისკრიმინაციული სასწავლო კურსის ფარგლებში, რომელიც მოიცავს სემინარებსა და მრგვალი მაგიდის ფორმატში წარმართულ დისკუსიას.
აღნიშნული სასწავლო კურსი შექმნილია პროექტის “საქართველოში ადგილობრივ დონეზე მონაწილეობითი დემოკრატიისა და ადამიანის უფლებების გაძლიერება“ ფარგლებში, რაც ევროპის საბჭოს 2020-2023 წ. წ. საქართველოს სამოქმედო გეგმის შესაბამისად ევროპის საბჭოს ადგილობრივ და რეგიონულ ხელისუფალთა კონგრესის, დემოკრატიისა და ადამიანური ღირსების გენერალური დირექტორატის მიერ და ავსტრიის განვითარების თანამშრომლობის ფინანსური მხარდაჭერით ხორციელდება.