ევროპის რეგიონთა კომიტეტმა (CoR) ახალგაზრდა არჩეული პოლიტიკოსების (YEP) პროგრამაზე განაცხადების მიღება დაიწყო.
პროგრამა ახალგაზრდა ადგილობრივ და რეგიონულ ლიდერებს იწვევს, შეუერთდნენ ევროკავშირის ერთ-ერთ ყველაზე აქტიურ პოლიტიკურ ქსელს.

YEP პროგრამა განკუთვნილია 18-დან 35 წლამდე პოლიტიკოსებისთვის, რომლებიც ფლობენ არჩეულ მანდატს ადგილობრივ ან რეგიონულ დონეზე ევროკავშირის წევრ სახელმწიფოში ან ევროკავშირის კანდიდატ ქვეყანაში.

YEP პროგრამაში მონაწილეობა ახალგაზრდა ლიდერებს აძლევს შესაძლებლობას დაამყარონ კონტაქტები ევროკავშირის წევრი და კანდიდატი ქვეყნების თანატოლ პოლიტიკოსებთან, ასევე CoR-ის წევრებსა და პოლიტიკურ ჯგუფებთან, გაცვალონ საუკეთესო პრაქტიკა პოლიტიკის საკითხებზე და უკეთ გაეცნონ ევროკავშირის კანონმდებლობასა და დაფინანსების შესაძლებლობებს.

პროგრამის ფარგლებში დელეგატებს შეუძლიათ მონაწილეობა მიიღონ თემატური კომისიების დებატებსა და კონსულტაციებში, კონფერენციებსა და სემინარებში, ასევე CoR-ის პლენარულ სესიებსა და მთავარ ღონისძიებებში, როგორიცაა EuroPCom და European Week of Regions and Cities.

განაცხადები მიიღება 2026 წლის 17 აპრილამდე.

იხილეთ კონკურსში მონაწილეობისა და განაცხადების წარდგენის შესახებ დეტალური ინფორმაცია.