საქართველოს ადგილობრივ თვითმმართველობათა ეროვნულმა ასოციაციამ (ა.თ.ე.ა) წარმატებით დაასრულა ევროკავშირის თანადაფინანსებით, შავი ზღვის აუზის პროგრამის ფარგლებში ინიცირებული პროექტი – „SEEDGUARD: აგრო თესლების მცველები ბიომრავალფეროვნებისთვის, აგრობიომრავალფეროვნებისთვის, ეკოსისტემური სერვისებისთვის და კლიმატის ადაპტაციისთვის“ (BSB00450 SEEDGUARD).

პროექტი 2024-2026 წლებში განხორციელდა ბულგარეთის (წამყვანი პარტნიორი – UBBSLA), თურქეთის (DOKA), რუმინეთის (AGP) და საქართველოს (ა.თ.ე.ა) ორგანიზაციების მონაწილეობით. მის მიზანს წარმოადგენდა ბოსტნეულის ტრადიციული ჯიშებისა და სახეობების თესლის დაცვა, აგრობიომრავალფეროვნების, ჯანსაღი საკვების მრავალფეროვნების, სასურსათო უსაფრთხოების და ეკოსისტემური სერვისების გაუმჯობესება. ინიციატივა ასევე ითვალისწინებდა ბოსტნეულის მწარმოებლებისთვის გაუმჯობესებული ხელმისაწვდომობის მოდელის დემონსტრირებას – თემის მონაწილეობის საფუძველზე ძველი ტრადიციული ჯიშების თესლის კოლექციების/ბანკების შექმნის გზით.

პროექტის მიმდინარეობისას ათეა აქტიურად თანამშრომლობდა ააიპ სოფლის განვითარების სააგენტოსთან და მარნეულის პროფესიულ კოლეჯ „მოდუსთან“.