2014 წლის 1 სექტემბერს სასტუმრო „შერატონ მეტეხი პალასის“ საკონფერენციო დარბაზში საქართველოს ადგილობრივი თვითმმართველობის ეროვნული ასოციაციის ეროვნული ასამბლეა გაიმართა. ეროვნულ ასამბლეაზე მოწვეული იყვნენ დელეგატები საქართველოს ყველა თვითმმართველი ერთეულიდან. ეროვნულ ასამბლეას ასევე დაესწრნენ მოწვეული სტუმრები დავით ნარმანია, თბილისის მერი, თენგიზ შერგელაშვილი, საქართველოს რეგიონული განვითარებისა და ინფრასტრუქტურის მინისტრის მოადგილე, გია ჟორჟოლიანი, საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველი მოადგილე, გიორგი ალიბეგაშვილი, თბილისის საკრებულოს თავმჯდომარე.

ეროვნულ ასამბლეაზე ასოციაციის ახალი პრეზიდენტისა და აღმასრულებელი საბჭოს განახლებულ შემადგენლობის დასამტკიცებლად კენჭისყრა გაიმართა, რომელშიც მონაწილებას მოწვეული დელეგატები იღებდნენ.