საქართველოს ადგილობრივ თვითმმართველობათა ეროვნული ასოციაცია, პროექტის “აგრო-თესლების მცველები ბიომრავალფეროვნების, აგრობიომრავალფეროვნების, ეკოსისტემური სერვისებისთვის და კლიმატის ადაპტაციისთვის – SEEDGUARD” სასწავლო ტურის ფარგლებში, ბულგარეთის, თურქეთისა და რუმინეთის ასოციაციების დელეგაციას მასპინძლობს.
პირველი შეხვედრა, რომელიც ა.თ.ე.ა-ს ოფისში მოეწყო, პროექტის მიზნებისა და შედეგების განხილვას დაეთმო. პარტნიორებმა პრეზენტაციები წარმოადგინეს და ერთმანეთს მიღწეული წარმატებები გაუზიარეს.
დღესვე დაგეგმილია მცხეთის მუნიციპალიტეტის სოფლებში – წილკანში და ჯიღაურაში არსებულ ერთწლოვანი და მრავალწლოვანი კულტურების საცდელ-სადემონსტრაციო ბაზების მონახულება, სადაც დელეგაცია ძველი ბოსტნეულის ჯიშებისა და ლანდშაფტების დაცვის მიმართულებით, საქართველოში დანერგილ მიდგომებს გაეცნობა.
პროექტი, ევროკავშირის თანადაფინანსებით ხორციელდება და მასში ჩართულია შავი ზღვის ოთხი ქვეყანის ორგანიზაცია: ბულგარეთის შავი ზღვის ადგილობრივ ხელისუფლებათა კავშირი, როგორც წამყვანი პარტნიორი, აღმოსავლეთ შავი ზღვის განვითარების სააგენტო (თურქეთი), ასოციაციის გლობალური პროექტი (რუმინეთი) და საქართველოს ადგილობრივ თვითმმართველობათა ეროვნული ასოციაცია (საქართველო).
SEEDGUARD-ის მიზანს წარმოადგენს ბოსტნეულის ტრადიციული ჯიშებისა და სახეობების თესლის დაცვა, აგრობიომრავალფეროვნების, ჯანსაღი საკვების მრავალფეროვნების, სასურსათო უსაფრთხოების და ეკოსისტემური სერვისების გაუმჯობესება.
პროექტი ასევე ითვალისწინებს ბოსტნეულის მწარმოებლებისთვის გაუმჯობესებული ხელმისაწვდომობის მოდელის დემონსტრირებას – ადგილობრივი თემის მონაწილეობით ძველი ტრადიციული ბოსტნეულის ჯიშების თესლის კოლექციების/ბანკების დაარსებას.
#seedguard