საქართველოს ადგილობრივ თვითმმართველობათა ეროვნულმა ასოციაციამ (ა.თ.ე.ა) საუკეთესო პრაქტიკის პროგრამის (BPP) კონკურსის 11 ნომინაციაში გამარჯვებული 13 მუნიციპალიტეტი დააჯილდოვა.
ღონისძიებაზე, რომელიც ა.თ.ე.ა-ს ორგანიზებით მოეწყო, ასევე სპეციალური პრიზები გადაეცათ თვითმმართველი ერთეულების მერიების თანამშრომლებს, რომლებმაც უშუალოდ მიიღეს მონაწილეობა საკონკურსო განაცხადის შედგენაში.
რიგით მეშვიდე ეროვნულ კონფერენციაზე, BPP-ის 2024 წლის საუკეთესო პრაქტიკად შემდეგი მუნიციპალიტეტების პროექტები გამოვლინდა:
1.დუშეთი – მონაწილეობითი ბიუჯეტირების მუნიციპალური პროგრამა (ხელოვნური ინტელექტის ინსტრუმენტების გამოყენებით) – ნომინაცია:ხელოვნური ინტელექტის გამოყენებით ინოვაციური მუნიციპალური სერვისების/პრაქტიკის/მიდგომების განვითარება.
2. ქ. ქუთაისი – ოდისეა: საქუთაისო – ციფრული ტურისტული თამაში – ნომინაცია:ხელოვნური ინტელექტის გამოყენებით ინოვაციური მუნიციპალური სერვისების/პრაქტიკის/მიდგომების განვითარება.
3.ქ, ფოთი – სოციალური ინოვაციები მომავლისთვის – ნომინაცია:კერძო-საჯარო დიალოგი და პარტნიორობა ადგილობრივ დონეზე.
4.თეთრიწყარო – ქალთა ფეხბურთი თეთრიწყაროში – ნომინაცია:გენდერული თანასწორობის ხელშეწყობა და გენდერულად მგრძნობიარე მუნიციპალური სერვისების განვითარება.
5.სენაკი – ენერგოეფექტური ტექნოლოგიების დანერგვა სენაკის მუნიციპალიტეტში მდგრადი ენერგეტიკისა და კლიმატის გეგმის შესაბამისად – ნომინაცია:გარემოს დაცვა, ენერგოეფექტურობის და კლიმატის ცვლილებებისადმი ადაპტაციის ხელშეწყობა.
6.ქ.ქუთაისი – ქუთაისი-ეკო სმარტ ქალაქი, მუნიციპალიტეტის ტრანსფორმაციის პორტფელი,როგორც გარემოს დაცვის, ენერგოეფექტურობის და კლიმატის ცვლილებისადმი ადაპტაციის ხელშეწყობის წარმატებული გამოცდილება – ნომინაცია: გარემოს დაცვა, ენერგოეფექტურობის და კლიმატის ცვლილებებისადმი ადაპტაციის ხელშეწყობა.
7.დმანისი – სოციალური სერვისების გავლენის შეფასების მექანიზმის შემუშავება და დანერგვა- ნომინაცია: მუნიციპალური სოციალური პროგრამების მონაწილეობითი დაგეგმვა.
8.ხარაგაული – უსინათლოთა არაფორმალური განათლების ხელშეწყობის პროექტი – ნომინაცია:მუნიციპალური სოციალური პროგრამების მონაწილეობითი დაგეგმვა.
9.ქ. რუსთავი – რუსთავის სპორტის საგანმანათლებლო მუზეუმი – ნომინაცია:სკოლამდელი აღზრდა, სკოლისგარეშე განათლება და ზრდასრულთა განათლების მუნიციპალური პროგრამები.
ონი – ონის მუნიციპალიტეტში მცხოვრები არცერთი ბავშვი სკოლამდელი განათლების გარეშე – ნომინაცია:სკოლამდელი აღზრდა, სკოლისგარეშე განათლება და ზრდასრულთა განათლების მუნიციპალური პროგრამები.
11. ქ. ბათუმი – არაფორმალური განათლების ხელშეწყობა – ნომინაცია:ახალგაზრდული პოლიტიკის განხორციელება და ახალგაზრდების ჩართულობის ხელშეწყობა
12. ბაღდათი – აქტივებისა და ვალდებულებების მართვა – ნომინაცია:საჯარო ფინანსების მართვისა და ანგარიშვალდებულების (PEFA) კარგი პრაქტიკა.
13. ხაშური – ხაშურის მუნიციპალიტეტის განვითარების საშუალოვადიანი(2024-2027წ.წ.) სტრატეგიის და სამოქმედო გეგმის (2024-2025წ.წ.) შემუშავება – ნომინაცია: ადგილობრივ დონეზე საშუალოვადიანი განვითარების დაგეგმვა; ადგილობრივი ეკონომიკური განვითარების დაგეგმვა და მონაწილეობითი ეკონომიკური განვითარების ინოვაციური მოდელების დანერგვა.
14. დმანისი – თაობათა შორის ტექნოლოგიური ხიდი – ნომინაცია:ადგილობრივ დონეზე ადამიანის უფლებათა დაცვის, ანტი-დისკრიმინაციისა და ინკლუზიის ხელშეწყობა.
15. ქ. ფოთი – მრავალფუნქციური სოციალური სივრცე – ნომინაცია: ადგილობრივ დონეზე ადამიანის უფლებათა დაცვის, ანტი-დისკრიმინაციისა და ინკლუზიის ხელშეწყობა.
16. ზუგდიდი – ზუგდიდის მუნიციპალიტეტში მცხოვრები მშობლებისა და მზრუნველების ინფორმირებულობის დონის ამაღლება მშობლობისა და ბავშვის საჭიროებების ძირითად საკითხებთან დაკავშირებით – ნომინაცია:ბავშვის საჭიროებებზე მორგებული სოციალური პროგრამები, ბავშვთა უფლებების დაცვა და ბავშვზე მავნე ზემოქმედების პრევენცია.
გამარჯვებული მუნიციპალიტეტები საუკეთესო პრაქტიკის კონკურსის მმართველმა კომიტეტმა, საჯარო და არასამთავრობო სექტორის წარმომადგენლებითა და შესაბამისი დარგის ექსპერტებით დაკომპლექტებული შეფასების კომისიის რეკომენდაციის გათვალისწინებით გამოავლინა.
აღსანიშნავია, რომ 2024 წლის კონკურსისთვის შერჩეულ 11 ნომინაციაზე, 45 განაცხადი იყო წარმოდგენილი, საიდანაც 23 შეირჩა, წარმატებულ და კარგ პრაქტიკად კი, 16 პროექტი დასახელდა.
კონფერენციას, რომელიც სასტუმროში ,, შერატონ გრანდ თბილისი მეტეხი პალასი“ მოეწყო, ცენტრალური და აღმასრულებელი ხელისუფლების, ასევე არასამთავრობო სექტორისა და საერთაშორისო ორგანიზაციების წარმომადგენლები, საქართველოს მუნიციპალიტეტების პირველი პირები და საჯარო მოხელეები ესწრებოდნენ.
საქართველოს ადგილობრივ თვითმმართველობათა ეროვნული ასოციაცია, დონორი ორგანიზაციების ხელშეწყობით, 2018 წლიდან ახორციელებს საუკეთესო პრაქტიკის პროგრამას (Best Practice Program), რომელიც ევროპის საბჭოს მიერ აღიარებული ინსტრუმენტია კარგი მმართველობის წარმატებული მაგალითების გამოვლენისა და გაზიარებისთვის.