საქართველოს ადგილობრივ თვითმართველობათა ეროვნული ასოციაცია
Under Construction!

მთავარი გვერდი

პრეს - რელიზები

,,ათეა“- ს ინიციატივით, მედიის წარმომადგენლებთან არაფორმალური შეხვედრა გაიმართა


12 თებერვალი 2018 წელი

საქართველოს ადგილობრივ თვითმმართველობათა ეროვნული ასოციაციის ორგანიზებით, მედიის წარმომადგენლებთან არაფორმალური შეხვედრა გაიმართა.

ღონისძიებას, რომელიც  ნორვეგიის თვითმმართველობათა ასოციაციისა და ,,ათეა“- ს 2015-2018 წლების თანამშრომლობის პროექტის ფარგლებში მოეწყო, ადგილობრივ თვითმმართველობათა ეროვნული ასოციაციის  ვიცე - პრეზიდენტები გიორგი ტყემალაძე და თამარ ტალიაშვილი, საქართველოს პარლამენტის რეგიონული პოლიტიკისა და   თვითმმართველობის კომიტეტის თავმჯდომარე ზაზა გაბუნია და მისი პირველი მოადგილე მერაბ ქვარაია,  საქართველოს რეგიონული განვითარებისა და ინფრასტრუქტურის მინისტრის პირველი მოადგილე ირაკლი მატკავა, ასევე ,,ათეა“-ს აღმასრულებელი დირექტორი დავით მელუა და მისი მოადგილე ნათია ღვინაშვილი უძღვებოდნენ.

შეხვედრაზე  რეგიონული განვითარების მიმართულებაზე, ასევე დეცენტრალიზაციის სტრატეგიის ფორმულირებასა და მნიშვნელობაზე  ისაუბრეს.

საქართველოს პარლამენტისა და სამინისტროს წარმომადგენლებმა ჟურნალისტებს ის  საკანონმდებლო ინიციატივა წარუდგინეს, რომელიც მუნიციპალიტეტების საქმიანობის ხარისხის ამაღლებასა და ადგილებზე უფრო ეფექტური მმართველობის დამკვიდრებას გულისხმობს.

მოწვეულმა სტუმრებმა, ასევე  დეცენტრალიზაციის მნიშვნელობაზე ისაუბრეს და მედიის წარმომადგენლებს კიდევ ერთხელ გააცნეს იმ ათ წლიანი გეგმის ძირითადი მიმართულებები, რომელიც საქართველოს პრემიერ - მინისტრმა გიორგი კვირიკაშვილმა, 2 თვის წინ, პარლემენტის რიგგარეშე სხდომაზე სამთავრობო პროგრამის ”თავისუფლება, სწრაფი განვითარება, კეთილდღეობა 2018 – 2020” წარდგენისას გააჟღერა.

ღონისძიების მეორე ნაწილი საქართველოს ადგილობრივ თვითმმართველობათა ეროვნული ასოციაციის თემას დაეთმო.

გიორგი ტყემალაძემ და თამარ ტალიაშვილმა ჟურნალისტებს ევროპის საბჭოს კონგრესში ქართული დელეგაციის მნიშვნელობაზე მიაწოდეს ინფორმაცია და დამსწრე საზოგადოებას ევროპის საბჭოს ადგილობრივი და რეგიონული ხელისუფლების კონგრესში დელეგაციის ახალი შემადგენლობა გააცნეს, რომელსაც  ,,ათეა'' - ს პრეზიდენტი კახა კალაძე ხელმძღვანელობს.

მათივე ინფორმაციით, დელეგაციის 3 წევრი სტრასბურგში  პირველი ვიზიტით მიმდინარე წლის 14 თებერვალს გაემგზავრება.

ევროპის საბჭოს კონგრესზე დაგეგმილი მონიტორინგის კომიტეტის სხდომაზე, სადაც დღის წესრიგით 2017 წლის 21 ოქტომბერს საქართველოში გამართული ადგილობრივი თვითმმართველობის არჩევნების საკითხია წარმოდგენილი, ადგილობრივი ხელისუფლებისა და  რეგიონთა პალატების წევრები მიიღებენ მონაწილეობას.

ღონისძიებაზე, ასევე ,,ათეა’’ -ს  საქმიანობის შესახებ ისაუბრეს და მიმდინარე პროექტები განიხილეს.

კონფერენციას ექსპერტი თვითმმართველობების საკითხებში  - დავით ზარდიაშვილიც ესწრებოდა, რომელმაც  თვითმამრთველობისა და რეგიონული პოლიტიკის მიმართულებით მთავრობის მიერ დაგეგმილი პროექტები  დადებითად შეაფასა.

შეხვედრაზე, რომელიც კითხვა - პასუხის რეჟიმში წარიმართა, საკანონმდებლო და აღმასრულებელი ხელისუფლების წარმომადგენლებმა ჟურნალისტების მიერ დასმულ შეკითხვებს ამომწურავად უპასუხეს.  

ღონისძიებას, რომელიც სასტუმროში-,,შუხმან ვაინსი’’ გაიმართა,  საქართველოში მოქმედი 16 მედია საშუალების წარმომადგენელი ესწრებოდა.